الاخبار

بابكر سلك : ناقصة قون

22views

] بحمد الله وفضله إنتصرنا على أينمبا بثلاثية تيراوية رائعة
] لو تتذكروا قلت ليكم
] لو بكري ضو القبيلة لعب أتفرجوا على تيري.
] ولم يخذلني تيري .
] تيري الذي عاشرته أيام تلك المحاكمات.
] لما الناس كان بتحكم عليهو غلط .
] لما بعض الناس رفضت مجرد وقوفنا معه .
] هاهم اليوم ينتشون بتيري وينفشون ريشهم فخراً بأهداف تيري.
] وتيري في كل الأحوال ولدنا.
] ولسسسة
] القادم أحلى ياتيري.
] ياهداف إفريقيا بأربعة أهداف حتى الآن.
] المهم
] ًنقل المبارة كان رائعاً جدا .
] وديكور الاستوديو حدث.
] وتحية إعجاب لتلفزيون الخرطوم.
] بعد كده أية قناة دايرة تنقل.
] يا بمستوى تلفزيون الخرطوم.
] يابلاش
] أيها الناس .
] الأولاد جميعهم كانوا رائعين .
] ً.انضبطوا تكتيكياً بدرجة عالية
] قد يكون بعضنا وللإنفعال يرى غير ذلك.
] لكن راجعوا الشريط.
] وراجعوا التلاتة أهداف الملعوبة.
] وأقرأوا مابين سطور جمل التكتيك
] حاتكتشفوا أن للمريخ مدرب رائع ولاعب منضبط تكتيكيا.
] أيها الناس
] نصر كبير ولكنه مجرد خطوة نحو التأهل.
] لذا ماننوم في العسل .
] ونتوقع أي شيء من الأخوة في نيجيريا.
] بدءً من ألاعيب الحكام ومروراً بنتائج فحص الكورونا.
] عشان كده لو في طريقة نسفر التيم كلو بمراحلو السنية.
] ونتحسب لأي شيء.
] حتى السفر وميقاتو مفروض يكون فوقو مهلة كافية.
] ده كلو كي نتخطى فريق كبير له شرف الوجود على لوح الشرف الإفريقي زينا
] وفريق داخل التنافس الإفريقي كبطل لبلدو.
] مازي الأشانتي الجا خامس الدوري في بلدو.
] ومثل بلدو لأنو عندو الرخصة والأربعة القدامو بوكو ساي.
] رخصة ماعندهم
] الأشانتي زاتو السنة دي داخل التنافس الإفريقي بوكو.
] ورق بطولة بلدو ماعندو
] لكنه المسار العجيب (الشطة)
تحية كبيرة لكل من ساهم في النصر الكبير.
] وأشتقنا للمطار.
] المهم
] الناس في المريخ تعد نفسها للإنتخابات.
] وتكبر في كيمانها.
] عندي واحد صاحبي حكيت ليهو قصة حصلت لي قام حكاها لي.
] قال لي الريس جيمي رفض للمقربين منه الترشح لرئاسة المريخ لأنو داير يجي الإتحاد.
] وتبقى خدماتو الجليلة للبلد ما لفريق واحد.
] ًقلت ليهو مكسب للإتحاد طبعا.
] الرجل خبراتو في العمل الإداري الرياضي كبيرة.
] ومجهوداته مقدرة.
] لكن إذا جا الإتحاد حايجيب معاهو منووووووووو؟.
] صاحبي قال لي مع ناس ياريس جيبني معاك ديل القصة بتجوط
] لكن أحكي لي قصة حصلت ليك حكاها ليك واحد صاحبك عشان أحكيها ليك
] يمكن مانقع من السقالة.
] المهم
] المريخ بفضل الله نار منقد يا صديقي حسن محجوب.
] المريخ يدوش ورا تمبش في النص التش وقدام يلبش.
] ولو تماسكنا.
] حتما ستلتقي قلوبنا وأفكارنا ونوايانا الحسنة.
] وإذا ألتقت قلوبنا وأفكارنا ونوايانا الحسنة.
] أكيد حانتلاقى في المطار رغم الكورونا.
] أيها الناس
] إن تنصروا الله ينصركم .
] اها
] نجي لي شمارات والي الخرتوم
] والينا.
] في الحتة دي زي في لعب علينا
] مكون من مكونات الثورة وشريك حسب قولكم لينا.
] بتتكون إداراتو الداخلية بأوامر من الجماعة وتكليف لناسهم المعروفين لدينا
] وتعيين المابغبونا.
سلك كهربا
ننساك كيف والكلب قال تبقى إتعملت فينا… .وحك أضانو برجلو الورا وجرى جريا جريااااااا
وإلى لقاء.
سلك

الانتباهة

Leave a Response